پارتیا ئازادی یا کوردستانێ (پاک) د 34ەمین سالڤەگەرا تەرۆرکرنا شەهید د. عەبدولرەحمان قاسملۆ و هەڤالێن وی ب دەستێ رەژیما ئیرانێ، پەیامەک بەلاڤ کر و ئەو ب رێزداری ببیر ئانی.
بورۆیا چاپەمەنی و راگەهاندنێ یا پاکێ راگهاند، دەولەتا ئیرانێ بەرییا تەرۆرکرنا پێشەوا قازی محەمەد، د. عەبدولرەحمان قاسملۆ و د. سادق شەرەفکەندی ژی، پشتی وان ژی گەلەک جاران ب رێیێن کۆمپلۆ و کوشتنان خوەستییە تێکۆشینا ئازادییا گەلێ مە یا ل رۆژهلاتێ کوردستانێ بفەتسینە. لێ بەلێ تو کۆمپلۆ و قەتلیعامان نکاربوویە رێ ل بەر تێکۆشینا ئازادییا گەلێ مە بگرە.
پەیاما بورۆیا چاپەمەنی و راگەهاندنێ یا پاکێ:
ئەم د. عەبدولرەحمان قاسملۆ ب رێزداری ب بیر تینن
سەکرەتەرێ گشتییێ په‌ده‌كێ (پارتییا دەمۆکراتا کوردستانا ئ̇یرانێ) د. عەبدولرەحمان قاسملۆ د 13یێ تیرمەها 1989ان دە ل ویەنەیا پایتەختێ ئاوستوریایێ ل گەل بەرپرسیارێ دەرڤە یێ وه‌لات یێ په‌ده‌كێ عه‌بدوللا قادریزادە و د.فازل رەسوولێ ژ باشوورێ کوردستانێ، ژ ئالییێ ئیستیخباراتا ئیرانێ ڤە د ئۆتێلێ دە هاتن قەتلکرن.
د. عەبدولرەحمان قاسملۆ و هەڤالێن خوە گاڤا جڤینا گۆفتووگۆیان یا ب دیپلۆماتێن دەولەتا ئیرانێ رە لداردخستن، ژ ئالییێ سیخورێن دەولەتا ئیرانێ ڤە تووشی ڤێ کۆمپلۆیێ بوون.
مخابن، دەولەتا ئاوستووریایێ، د دەربارێ قەساس و پلانگەرێن ڤێ قەتلیعامێ دە تو دۆز ڤەنەکرییە.
د. عەبدولرەحمان قاسملۆ، سییاسەتمەدار، رەوشەنبیر و دیپلۆماتەکی وەلاتپەروەر بوو.
در. عەبدولرەحمان قاسملۆ هەروەها پێشمەرگە و رێبەرەکی ب تەجروبە و هێژا بوو کو نە بەس ژ کیسێ پدکێ، لێ بەلێ ژ کیسێ هەموو کورد و کوردستانییێن جیهانێ چوو.
دەولەتا ئیرانێ بەرییا قەتل کرنا قازی محه‌مه‌د، د. عەبدولرەحمان قاسملۆ و د.سادق شەرەفکەندی ژی، پشتی وان ژی گەلەک جاران ب رێیێن کۆمپلۆ و کوشتنان خوەستییە تێکۆشینا ئازادییا گەلێ مە یا ل رۆژهلاتێ کوردستانێ بفەتسینە. لێ بەلێ تو کۆمپلۆ و قەتلیعامان نکاربوویە رێ ل بەر تێکۆشینا ئازادییا گەلێ مە بگرە.
ئەو ئالایا کو پێشەوا قازی محه‌مه‌د تەسلیمی مەلە مستەفا بارزانی یێ نەمر کربوو ئیرۆ ژی ل رۆژهلاتێ کوردستانێ د دەستێ پێشمەرگەیێن قەهرەمان دە ل با دبە. ئالا کوردستانێ ل هەموو پەرچەیێن کوردستانێ ژ بۆ ئازادی و سەرخوەبوونێ تێ هلدان.
د. عەبدولرەحمان قاسملۆ و هەموو شەهیدێن کوردستانێ، د تێکۆشینا هەموو شەرڤانێن قەهرەمان و کەدکارێن دۆزا ئازادییێ دە دژین.
د 34ەمین سالڤەگەرا شەهادەتا وان دە ئەم د. عەبدولرەحمان قاسملۆ و هەڤالێن وی ب رێزداری ببیر تینن و ب ڤێ مناسەبەتێ جارەکە دن ژی ئەم دەولەتا ئیرانێ روورەش دکن.
13.07.2023
بورۆیا چاپەمەنی و راگەهاندنێ یا پاکێ
