سازیا ئیستخباراتا ملی یا ترکیێ (میت)ێ راگەھاند، بەرپرسەکی پەیەدێ–یەپەگێ کو بەرپرسیارێ ئێریشا ل عەفرینێ یا کو تێ دە 40 کەسێن سڤیل ژیانا خوە ژ دەست دابوون، ب ئۆپەراسیۆنەکی ل منبجێ هاتیە کوشتن.
ھات راگەھاندن ھەیسەم جومعایێ کو بەرپرسێ ئێریشا عەفرینێ یا 40 کەسێن سڤیل ژیانا خوە تێ دە ژ دەست دابوون ب ئۆپەراسیۆنەکا ژ ئالیێ میتێ ڤە ھاتیە برێڤەبرن ڤە ھاتیە کوشتن.
ل گۆر ئاژانسا ئانادۆلویا فەرمی یا ترکیێ و نووچە سپارتیە چاڤکانیێن ئەولەھیێ، ھەیسەم جومعایێ کو ناڤ رێخستنێ دە وەک ھەیسەم ئەبو دەهام تێ ناسکرن، د ناڤ رێخستنا ئیستخباراتی یا یەپەگێ-پەیەدێ و پەکەکێ ل منبجا رۆژئاڤایێ کوردستانێ وەک بەرپرس جیھ دگرت و ل قادا ئۆپەراسیۆنا مەرتالا فراتێ، ژ ئالیێ رێخستنێ ڤە ھەموو جەبلخانە و ئاموورێن دەرباسی وێ قادێ دھاتە کرن، ژ ئالیێ وی بەرپرسی ڤە دھاتە برێڤە برن و ھات زانین کو ئەو بەرپرس ل ناڤەندا باژارێ منبجێیە.
ھەروەھا ھات راگەھاندن، ھەیسەم جومعا ژ ئالیێ میتێ ڤە رۆژا 9 تیرمەھا 2023 ب ئۆپەراسیۆنەکی ل ناڤەندا باژارێ منبجێ ڤە ھاتیە کوشتن.
ل گۆر ھەمان چاڤکانیێ ھەیسەم جومعا، ل جەرابلوسێ د سالا 2019 ژ گەلەک ئێریشان بەرپرسە و ژ وان ژی 3 ئێریش ب مۆتۆسیکلەتێ، 2 ب ئۆتۆمۆبیلێن بۆمبەبارکری و رۆژا 28/4/2020 ژی ل ناڤەندا باژارێ عەفرینێ ناڤ بازارا باژێر تانکەرەکی بۆمبەبارکری دایە تەقاندن و د بوویەرێ دە 11 ژێ زارۆک، 40 کەسێن سڤیل ژیانا خوە ژ دەست دانە، 47 کەسێن دن ژی بریندار بوونە و بەرپرسێ وان ئێریشان ھەموویان ھەیسەم جومعا بوویە.
