میتێ فه‌رماندار و بسپۆره‌كێ ته‌كنیكی یێ پارتیا كاركه‌ران كوشت

ئیستخباراتا تركیێ فه‌رمانداره‌كێ دن یێ پارتیا كاركه‌ران د ئۆپه‌راسیۆنه‌كێ دا ب ناڤێ (ئه‌دیب ته‌میز) كوشت كو به‌رپرسه‌كی ته‌كنیكی یێ گرینگ یێ رێخستنێ یه‌.

ئاژانسا ئه‌نادۆلێ یا ده‌وله‌تا تركیێ، ل رۆژا 13 تیرمه‌ها ئیسالێ به‌لاڤ كر كو به‌رپرسێ پارتیا كاركه‌را یێ ب ناڤێ ئه‌دیب ته‌میز و ب ناڤێ كۆد ئازاد جه‌سوور، د ئۆپه‌راسیۆنه‌كا میتێ دا ل ناڤ خاكا باشوورێ كوردستانێ هاتیه‌ ئارمانج گرتن.

ئه‌دیب ته‌میز فه‌رماندارێ هه‌په‌گێ و به‌رپرسێ شانه‌یه‌كا هێزا تایبه‌ت یا رێخستنێ یه‌، هه‌روه‌ها بسپۆرێ ته‌كنیكی و چه‌كان یێ پارتیێ یه‌.

ده‌وله‌تا ترك كوشتنا ڤی به‌رپرسێ په‌كه‌كێ راگهاند ل ده‌مه‌كی ئاژانسا ئانفێ یا پارتیا كاركه‌ران، ل رۆژا 6 تیرمه‌ها ئیسال نووچه‌یا كوشتنا ئه‌دیب پارڤه‌كربوو و راگهاندبوو كو ئه‌و د 1 كانوونا 2022ێ ده‌ د ئێریشه‌كا‌ تركیێ دا ژیانا خوه‌ ژ ده‌ست دایه‌ و گۆتیه‌ ئه‌و بسپۆری زانستی و ته‌كنیكی و فه‌رماندار و فه‌دایێ ئاپۆ بوو!.