فرۆکەیێن شەر یێن ترکیێ 2 رۆژن برادۆستێ بۆمبەباران دکن

فرۆکەیێن شەر یێن ترکیێ 2 رۆژن هەرێما برادۆستێ بۆمبەباران دکە. دوهـ دانێ ئێڤارێ چیایێن شەکیو و بیرکمە و ئیرۆ ژی چیایێن کونەکۆتر و بن قەلاتێ هاتن بۆمبەبارانکرن.

قایمەقامێ سیدەکانێ ئیحسان چەلەبی ژ رووداوێ رە راگهاند، د ئەنجاما بۆمبەبارانێ دە زارۆکەکی ب ناڤێ رامین فرسەت هەمەدەمین کو مالا وان نێزیکی هەرێمێ یە و ل وێ دەڤەرێ ئاژەلداریێ دکە ب سڤکی بریندار بوو.

قایمەقامێ سیدەکانێ دا زانین کو فرۆکەیێن چاڤدێریێ ب بەردەوامی ل سەر سینۆر دفرن و جار جاران بلنداهیێن سیدەکانێ بۆمبەباران دکن.

هەرێمێن کو ئیرۆ و دوهـ هاتنە بۆمبەبارانکرن نێزی دەهان مالێن وەلاتیێن کو د ڤێ دەمسالێ دە ژ بۆ ئاژەلداریێ و چاندنیێ ل هەرێمێن سینۆر دژین.