رێخستنا جوانێن شۆرەشگەر یا سەر ب پەکەکێ ڤە ل رۆژئاڤا کوردستانێ، رەڤاندنا زارۆکان ژ بۆی چەکدارکرنا وان بەردەوام دکە. ڤێ جارێ ژی ھەمزە نیدال محەمەد کورێ مالباتەکا ھەژار ھات رەڤاندن.
ھەمزە نیدالێ 16 سالی ل تاخا شێخمەقسوودا حەلەبێ ھاتە رەڤاندن.
مالباتا وی ژ بۆ هەمزەیێ کو د 10 تیرمەھێ دە ھاتبوو رەڤاندن چالاکی ل دار خست، لێ سازیێن گرێدایی پەیەدێ قەبوول نەکرن کو لگەل مالباتێ دا ھەڤدیتنێ پێک بینن.
مالباتا ھەمزە کو ژ گوندێ دێرسەوانەیێ عەفرینێیە، د دەما داگیرکرنا عەفرینێ دە رەڤیان و ھاتن حەلەبێ.
مالباتا هەژار دەبارا ژیانا خوە ب کەدا رۆژانە دکن. بابێ ھەمزە یێ کو ژ ھەولدانێن خوە نەکاری ئەنجامێ وەربگرە، تووشی جەلتا دلی بوو و رەوشا وی ھین نەباشە.
