دهولهتا ترك راگهاند كو دو بهرپرسێن پایهبلند یێن پارتیا كاركهران د ئۆپهراسیۆنهكێ ده ل ههرێما ئاڤاشین هاتن كوشتن، یهك ژێ كۆدناڤێ دهڤریم گارزان تێ ناس كرن.
ل گۆری چاڤکانیێن وەزارەتا بەرەڤانیێ یا ترکیێ، هێزێن چەکدارێن ترکیێ ل دهڤهرا ئاڤاشین یا ل ناڤ خاكا باشوورێ كوردستانێ ده، رێڤەبەرەکی پایەبلندێ پارتیا كاركهران بێباندۆر کرنە.
هات راگهاندن کو ل هەرێما ئاڤاشینێ کۆمەک چهكدارێن کو ژ بۆ ئێریشەکە نێزیک ئامادەهیی دکرن، ئۆپەراسیۆن هات کرن. مەدیایا خوەجهی د 16ێ تیرمەهێ دە راگهاند، ب پشتگریا هێزێن ئاسمانی، هێزێن ترکیێ کارین تەڤاهیا گرووپێ بێباندۆر بکن.
ئارتێش و کاربدەستێن ترک پەیڤا “بێتەسیرکرن” بکار تینن و تێ واتەیا کو چهكدارێن ناڤبۆری تەسلیم بوونە، هاتنە کوشتن ئان ژی هاتنە گرتن.
د ئۆپەراسیۆنێ دا ژ چهكدارێن کو هاتن ئارمانج گرتن، کەسەک ب ناڤێ (بیلال ئۆناتێ) ب ناسناڤێ خوەیێ کۆد (دەڤریم گارزان) هات ناسین.
ئۆنات د ناڤا پارتیا كاركهران دە پەیورەکە پایەبلند گرتبوو و هاتە گۆتن کو بەرپرسیارێ هەرێمێ بوو. د ناڤا کەسێن هاتن ئارمانج گرتن دە بهرپرسهكی دنێ پارتیێ ب ناڤێ (مازلووم یلماز) یێ ب ناڤێ کۆد سیدار ئامەد ژی هات تەسپیتکرن.
ژ ئالیهكی دن ڤە ب ئۆپەراسیۆنا هێزێن چەکدارێن ترکیەیێ بهرپرسێ پارتیا كاركهران یێ ب کۆدناڤێ “سیرزان ماڤا”یێ کو ل هەرێما زاپێ پهیوهندیێن پهكهكێ ئیداره دکر، د شکەفتا کو خوە ڤەدشارت دە هات كوشتن.