ئەفسەرێ وەزارەتا پێشمەرگە یێ ب پلەیا موقەدەم، رێبین رۆژبەیانی باوەرنامەیا ماستەرێ د وارێ زانستێن لەشکەری دا ل کۆلیژا ستاف یا بریتانیا وەردگرت.
وەزارەتا پێشمەرگە د داخویانیەکێ دا راگههاند، موقەدەم رێبین رۆژبهیانی ئەفسەرێ وەزارەتا پێشمەرگە بۆ هەیاما 15 مەهان بەشداری خولا 26ێ یا کۆلیژا فەرماندەهیێ و ئەرکێن پێشکەتی بوو و باوەرنامەیا ماستەرێ د وارێ زانستێن لەشکەری دا وەرگرت.
دا زانین ژی، موقەدەم رێبین رۆژبەیانی بۆ وەزارەتا پێشمەرگەی بەحسا گرنگیا خولێ کر و گۆت: کۆلیژا ئەرکانان یا بریتانی ب ئەرکێ ئامادەکرنا ئەفسەرێن بریتانی و ههڤپهیمانێن خوه یێن ژ 52 وەلاتان دکەت کو فەرمان و ئۆپەراسیۆنێن لەشکەری برێڤە ببهن.
ل گۆری داخویانیا وەزارەتا پێشمەرگە، د داویا مەراسیمێ دا، موقەدەم رێبین رۆژبەیانی لۆگۆیا وەزارەتا پێشمەرگە پێشکێشی فەرماندارێ کۆلیژا ئەرکانان یا بریتانیا کر، فەرماندارێ کۆلیژا ئەرکانان ژی سپاسیا هەرێما کوردستانێ کر و پشتەڤانیا کۆلیژا ئەرکانان بۆ وەزارەتا پێشمەرگە دوبارە کر.
ژێدهر: كوردستان 24
