گهنجهكێ ژ رۆژئاڤایێ کوردستانێ ل سەر سینۆرێ د ناڤبەرا باشوور و باکورێ کوردستانێ دا ب لێدانا لەشکەرێن ترکیێ هاتە کوشتن.
ناڤەندا بەلگەکرنا بنپێکرنان یا باکورێ سووریێ راگهاند کو گهنجێ ب ناڤێ رۆدی سلێمان ئەحمەدیێ ژ گوندەوارێ باژارێ قامشلۆ، دەما دخواست ب رێیا سینۆرێ ناڤبەرا زاخۆ و باکورێ کوردستانێ دا دەرباسی ناڤ خاکا باکورێ کوردستانێ ببیت، ل سەر دەستێن لەشکەرێن ترکیێ، راستی لێدانەکا توند هات و د ئەنجامێ دا ژیانا خوە ژ دەست دا.
رۆدی سلێمان ئەحمەدێ کو خەلکێ گوندێ سیهایێ سەر ب گوندەوارێ جزیرا رۆژئاڤایێ کوردستانێ بوو، ل هەرێما کوردستانێ دژیا و دخواست ب وێ رێیێ بگههیته ترکیێ و ژ وێ دەرێ ژی خوە بگههینیته ئەورۆپایێ.
ژ دەستپێکا سالا 2023ێ، هەتا نها 18 کەس هاتنە کوشتن و 98 کەس بریندار بوونە. هەروهها د سالا 2022ێ دا ژی 46 کەس هاتنە کوشتن و 906 کەس بریندار بوونە.
ل گۆری ئامارێن ناڤەندا بەلگەکرنا بنپێکرنان ژ تەباخا 2016ێ ڤە هەتا 18ێ تیرمەها 2023ێ، 561 وەلاتیێن سووری هاتنە کوشتن.