ل باژارێ کۆنیایێ یێ ترکیێ، گوڵوشان کاندەمیر كو خویشکا یه‌ك ژ دامەزرینەرێن په‌كه‌كێ عه‌لی حه‌یده‌ر قه‌یتانه هات دەستەسەر کرن.
ل گۆری نووچەیا ئاژانسا فەرمی یا حکوومەتا ترکیێ ئانادۆلێ، گوڵوشان کاندەمیر یا خویشکا یەک ژ دامەزرینەرێن په‌كه‌كێ عه‌لی حه‌یده‌ر قه‌یتان، ب ئیدیعایا «ل دەرڤه‌یی وەلاتی ل سەر ناڤێ پارتیا كاركه‌ران پاره‌ی کۆم دكه‌ت و ل سه‌ر مالباتێن ئەندامێن رێخستنێ بەلاڤ دکەت» ل ناڤچەیا ئەرەگلیێ یا کۆنیایێ هات دەستەسەرکرن.
هات راگهاند کو گوڵوشان کاندەمیر دەمەک درێژ بوو دهات شۆپاندن، ل مالا وێ پۆلیسان دەست ب سه‌ر چەند بەلگەیێن ژ بۆ رێخستنێ وەک ئارشیڤ دهێنه هه‌ژمارتن گرتنە.
پۆلیسان گوڵوشان کاندەمیر برن رێڤەبەریا ئەولەهیێ و بریارە پشتی کارێن وێ ب دوماهی بهێن بۆ دادگەهێ بهێته شاندن.
