ئالدار خەلیل ئەندامێ دەستەیا رێڤەبەرا تەڤدەمێ، کو ب ڤێ یەکێ تێ ناسکرن ل سەر هەر تشتەکی دپەیڤە بێی کو چ تشتەکی ژی بزانە، ئەڤ دەما نێزی سالەکی دبە بێدەنگە و د چاپەمەنیا سەر ب پەکەکێ ژی دەرناکەڤە، ئەڤ ژی نە تشتەک نۆرمالە، ژ بەر کو ئالدار خەلیل دکارە هەر تشتی بکە لێ نکارە بێ دەنگ بسەکنە و ژەهرا خوە نەدارێژە.
یا راست ئالدار خەلیل نە کەسەکە کو مرۆڤ درێژ بەحسا کەسایەتیا وی یا سیاسی بکە، ژ بەرکو ئالدار نە خوەدی کەسایەتیا سییاسی یە و نە ژی سییاسەتمەدارە. باشترین نرخاندن کو بۆ ئالدارخەلیل بێ کرن و گۆتن ھەڤۆکا “پاشایێ قەرەچ”ە. تێ گۆتن کو “وان قەرەچ کرە سولتان، دەستپێکێ بابێ خوە ب دارڤە کر”. پشتی ھندەک دەستھەلاتداری کەتییە دەستێ ئالدار خەلیل دا، ئەوی ژی دەستپێکێ ئێریشی کوردان کر، پێشمەرگە، بارزانی، حکوومەتا هەرێما کوردستانێ، دەولەت بوونا کوردان و هتد… هەر تشت رەخنە دکر، گەر رۆژەکی د چاپەمەنیێ دە نەدەرکرتبا ب تشتەکی عەجێب دهات زانین، گەر چ مژارەک ب دەست ئالدار نەکەتبا کو ل سەر بپەیڤە ژ کلۆخێ خوە یێ ڤالا تشتەک دەردخست و لسەر دپەیڤی، لێ بەلێ ئەڤ دەمەکە درێژە بێ دەنگ و بێی رەنگ مایە و چ کەسەک نزانە ئەو مریە یان مایە.
هندەک ژ کەسێن نێزیکی پەکەکێ دبێژن کو دبە ئالدار ژ بۆی دەورەیا پەروەردەییێ چووبە قەندیلێ، لێ بەلێ ل گۆر ئاگاهیان چ دەورەیەکا پەروەردەهیێ یا پەکەکێ ژ 6 مەهان دەرباس نابە، لۆما ئەڤ ئەگەرەک پر دوورە کو ژ بەر ڤێ یەکێ بێدەنگ مابە.
هندەک کەسێن دن ژی دبێژن، ژ بەر کو ئالدار خەلیل زێدە دپەیڤی و دخوەست د چاپەمەنیێ دە خوە وەکە کەسەک گرنگ نیشان بدە ژ ئالیێ پەکەکێ ڤە هاتیە هایدارکرن کو ب چ ئاوا نابە دەرکەڤە پێشبەری چاپەمەنیێ و ل سەر هیچ مژارەکێ بپەیڤە، ژ بەر کو پر جاران داخویانیێن ئالدار ژ پەکەکێ رە دبوون مژارا سەرئێشێ و گەل ب ئاوایەکی گشتی پەکەکە ل سەر داخویانیێن وی رەخنە دکر.
ئەو ژ ئالیێ پەکەکێ ڤە هاتیە تاسفیەکرن، ل دەورەیا پەروەردەهیێ یە یان ژی پەکەکە ناخوازە ئەو دەرکەڤە پێشبەری چاپەمەنیێ هەیا نها نایێ زانین، لێ بەلێ تشتا کو تێ زانین ئەڤە ئالدارێ وەکە بەبەغایێ جەمیل بایک ل رۆژئاڤا کوردستانێ دهات ناسکرن، ئەڤ دەمەک درێژە بێدەنگە.
