وەزارەتا بەرەڤانیێ یا ترکیێ راگھاند کو ل ناڤچەیا “ئۆپەراسیۆنا پەنچە-کلید” یا د ناڤ ئاخا ھەرێما کوردستانێ دە لەشکەرەکی وان مریە.
د داخویانیا وەزارەتا بەرەڤانیێ یا ترکیێ دە ھات ئەشکەرەکرن، دوھ ل ناڤچەیا “ئۆپەراسیۆنا پەنچە-کلید” یا ل ناڤ ئاخا ھەرێما کوردستانێ لەشکەرێ وان یێ ب ناڤێ ئەنەس کرمزکۆچ د ئەنجاما لێکەتنا باسکێ ھەلیکۆپتەرێ دە ب گرانی بریندار بوویە.
وەزارەتێ دا زانین کو کرمزکۆچ راکرنە نەخوەشخانەیێ لێ ل نەخوەشخانەیێ تەڤی ھەموو ھەولدانان مریە.
ئارتێشا ترکیێ رۆژا 17 نیسانا 2022 ل ناڤچەیێن زاپ، ئاڤاشین و مەتینا یێن د ناڤ ئاخا باشوورێ کوردستانێ دە ب بەهانەیا پەکەکێ دەست ب ئۆپەراسیۆنا ب ناڤێ پەنچە-کلید کریە.
