پارتیا كاركه‌ران زارۆكه‌ك و 3 جوانێن دن دانه كوشتن
پارتیا كاركه‌ران وه‌كه هه‌ر رۆژ ئیرۆ ژی ناسنامه‌یا ره‌فه‌كه دن یا زارۆكێن كوردان ئاشكه‌ره كر كو ل دو مه‌هێن رابووری ب ده‌ستێ عه‌سكه‌رێ تر دا نه كوشتن، رێخستنێ وه‌كه ب سه‌دان رێهه‌ڤالێن وان، به‌رێ ڤان جوانان ژ بۆی به‌رخوه‌دانا خوه یا بێ ئێنجام دا نه مرنێ.
هه‌په‌گێ باسكێ له‌شكه‌ری یێ پارتیا كاركه‌ران رۆژێن 18 و 21 مه‌ها تیرمه‌ها 2023ێ ناسنامه‌یا 4 چه‌كدارێن خوه ئاشكه‌ره كر یێك ژێ هێژان د ته‌مه‌نا سنێله‌یێ ده یه كو ل مه‌هێن خزیران و تیرمه‌هێ ل باكور و باشوورێ كوردستانێ ب ده‌ستێ ئارتێشا ده‌وله‌تا ترك یا داگیركه‌ر دا نه كوشتن.
ناڤێن وان وسایه:
مزگین ئاشكارا ژ سێرتێ.
مه‌سعوود ده‌میركان ژ وانێ.
محه‌مه‌د عه‌بدولغه‌نی ژ حه‌سه‌كێ.
ئه‌حمه‌د تانه‌ر ژ ئێله‌هێ.
پارتیا كاركه‌ران وه‌كه ب سه‌دان چه‌كدارێن خوه ناڤ و ئاگاهیێن تام یێن ڤان جوانان پارڤه‌كرنه، لێبه‌لێ ت ئاماژه ب ته‌مه‌نا وان نه‌كریه ژ بۆ كو جینایه‌تا ره‌ڤاندنا زارۆكێن كوردان و ته‌ڤلیكرنا وان یا ب زۆر بۆ ناڤ ره‌فێن رێخستنێ ل سه‌ر وێ ته‌سپیت نه‌به.
پارتیا كاركه‌ران ژ بۆی چێكرنا شه‌رڤانا بشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه و ئه‌ڤ یێك ژ هێلا رێخستنێن مافێن مرۆڤان یێن ناڤده‌وله‌تی ڤه هاتییه پشتراست كرن.
