ل رۆژئاڤایێ کوردستانێ د ئێریشەکا فرۆکەیا بێفرۆکەڤانا ترکیێ دە چار شەرڤانێن ھێزێن سووریا دەمۆکراتیک (ھەسەدێ) ھاتن کوشتن.
ھێزێن سووریا دەمۆکراتیک (ھەسەدە) د داخویانیەکێ دە کوشتنا چار شەرڤانێن خوە د ئێریشەکا فرۆکەیا بێفرۆکەڤانا ترکیێ دە ل گوندەکی سەر ب ناحیا عاموودایا سەر ب قامشلۆیا رۆژئاڤایێ کوردستانێ راگھاند.
د داخویانیێ دە ھات دیارکرن، ئێریشێن ترکیێ و گرووپێن چەکدارێن سەر ب ئەنقەرێ بۆ سەر باکور و رۆژھلاتێ سووریێ بەردەوامن و ئیرۆ ژی د ئێریشەکە نوویا درۆنێ دە ل گوندێ خربێ خوێ یێ سەر ب ناڤچەیا عاموودایا ل سینۆرێ قامشلۆیێ، چار شەرڤانێن سەر ھێزێن وان ھاتنە کوشتن.
ھەسەدێ ئەشکەرە کریە، د داخویانیەکا دن دە ھەموو ھوورگلیێن وێ ئێریشێ دێ راگھینن، کو ئێڤارا رۆژا ئینێ 28 تیرمەھا 2023 ب سەر ھێزەکا وان دە ھاتیە کرن.
