ناسنامه‌یا 6 قوربانیێن دی یێن به‌رخوه‌دانا بێ ئه‌نجام یا پارتیا كاركه‌ران ئاشكه‌ره بوو، 5 ژ وان ل سالا رابووری ژیانا خوه ژ ده‌ست دا نه و ژ نوو ڤه مرنا وان هات راگهاندن.
هه‌په‌گێ باسكێ له‌شكه‌ری یێ پارتیا كاركه‌را ژ رۆژا 25 تیرمه‌هێ ڤه ناسنامه‌یا 6 چه‌كدارێن خوه ئاشكه‌ره كر یه‌ك ژێ ل 27 تیرمه‌هێ ل بۆتانێ كه‌تیه به‌ر ئێریشێن ئارتێشا تركیێ و 5 ژی ل سالێن 2021، 2022 و ئیسال 2023 ل ناڤ سینۆرێن هه‌رێما كوردستانێ ژیانا خوه ژ ده‌ست دا نه.
پارتیا كاركه‌ران وه‌كه ب هه‌زاران رێهه‌ڤالێن وان، مرنا ڤێ كۆما جوانان ژی ژ سالا 2021ێ ڤه ل مالباتێن وان ڤه‌شارتبوو و ئیرۆ هاتیه د په‌سنێ وان ده گۆتیه مه ملیتانێن خوه یێن ئاپۆیی، مه فه‌دایێن ئاپۆ وه‌ندا كرن.
پارتیا كاركه‌را هه‌ر رۆژ وێنه‌یێن كۆمێن جوانێن كوردان پارڤه‌دكه، جوانێن كو د سالێن به‌رێ ده د به‌رخوه‌دانا خوه یا بێ ئه‌نجام ده فه‌دا كرین و مرنا وان ب سال و مه‌هان ڤه‌شارتی هشتیه.
