فه‌رمانداره‌كی دن یێ هه‌په‌گێ باسكێ له‌شكه‌ری یێ پارتیا كاركه‌را كو ل سالا رابووری هاتبوو كوشتن مرنا وی ژ نوو ڤه ئاشكه‌ره بوو، هاروون ئیتاهـ یێ ب ناڤێ كۆد چه‌كدار شۆره‌ش فه‌رماندارێ ئه‌یاله‌تا بۆتانێ بوو.
هه‌په‌گێ باسكێ له‌شكه‌ری یێ پارتیا كاركه‌را دوهـ رۆژا یه‌كشه‌می 30/7/2023ان ناسنامه‌یا فه‌رمانداره‌كی خوه یێ ب ناڤێ هاروون ئیتاهـ ب ناڤێ كۆد چه‌كدار شۆره‌ش ئاشكه‌ره كر كو ساله‌كێ به‌رێ ل هه‌رێما بۆتانێ یا باكورێ كوردستانێ كه‌تیه به‌ر ئێریشێن ده‌وله‌تا ترك و هاتیه كوشتن.
هه‌په‌گێ پاش ده‌رباسبوونا ساله‌كێ ژ نوو ڤه مرنا هاروون ئیفشا كر، ده‌وله‌تا ترك ژ سالا رابووری ڤه ب ده‌هان فه‌رماندارێن گرینگ یێن هه‌په‌گێ كوشتنه.
چه‌كدار شۆره‌ش 14 سالان به‌رێ ته‌ڤلی ره‌فێن پارتیا كاركه‌ران بووبوو و ژ سالا 2019ان ڤه ژ بۆ فه‌رماندارێتیا ئه‌یاله‌تا بۆتانێ هاتبوو ئه‌ركدار كرن.
