بالافرێن بێ مرۆڤ یێن ده‌وله‌تا ترك ئیرۆ ل ئۆتۆمۆبیله‌كا پارتیا كاركه‌ران ل شه‌نگالێ خست و ده‌ركه‌ت كو به‌رپرسه‌كێ مه‌زنێ رێخستنێ ب ناڤێ یلماز بایرام تێ ده بوو و هاتیه كوشتن.
ئیرۆ رۆژا ئینی 4 ته‌باخا 2023ان، بالافرێن كه‌شفێ یێن ده‌وله‌تا ترك ئێریشه‌ك ل شه‌نگالێ پێكئانیه و به‌رپرسه‌كێ مه‌زنێ پارتیا كاركه‌ران و یه‌به‌شێ باسكێ په‌كه‌كێ یێ ل شه‌نگالێ ب ناڤێ یلماز بایرام و ب ناڤێ كۆد عه‌گید گه‌ڤه‌ر هاتیه كوشتن.
ل گۆری ئاگاهیێن كو مه‌دیایا تركیێ پارڤه‌كرنه، یلماز بایرام یێك ژ دامه‌زرێنه‌رێن یه‌په‌سێ یه و ل تركیێ ژ چالاكیێن باژارن به‌رپرسیار بوو.
هه‌ر وه‌ها هات راگهاندن كو یلماز بایرام، ژ بۆ رێخستنێ د ناڤبەرا باشوور و رۆژئاڤا كوردستانێ دا وەزیفەیێن کریتیک دگرە سەر مللێ خوە و خەباتێن ڤەگوهاستنێ و لۆژیستیکێ دمەشینە، هه‌ر وها به‌رپرسیار بوو ژ دابینكرنا چه‌كان ژ بۆی رێخستنێ.
یلماز بایرام کییە؟
یلماز بایرام د سالا 2010ان دە تەڤلی کادرۆیێن گوندان یێن پارتیا كاركه‌ران بووبوو.
د ناڤبەرا سالێن 2011 و 2016ان ل گونده‌وارێ جۆلەمێرگێ ئه‌رك وه‌رگرتن.
د سالا 2015ان دە د ناڤ دامەزرینەرێن یه‌په‌سێ دە جهـ گرت.
د سالا 2016ان دە دەرباسی هەرێمێن باشوورێ كوردستانێ/شەنگال/سۆرانێ بووبوو.
ژ نیڤێ دویەمینێ سالا 2018ان ڤە چوویە رۆژئاڤا كوردستانێ و ل حەسەکێ و ل هەرێمێن رومەیلانێ و قامشلۆیێ تەڤلی چالاکیێن پارتیا كاركه‌ران بوویە.
ژ سالا 2020ان شووندە بەرێ خوە ددە باشوورێ كوردستانێ و شەنگالێ و ل ور وەکی سەرپەرشتێ په‌كه‌كێ و یه‌به‌شێ ته‌ڤ دگه‌ره.
