چاپەمەنیا لاھور جەنگی کۆچا داوی یا کاروان عەلی شاماری وەک بوویەرەکا ب مژ و گومان راگەھاند.
پێگەھا ڤەدەنگ یا تۆرا جڤاکی یا فەیسبۆکێ، کو سەر ب لاھور جەنگی یە راگەھاند: “د بوویەرەکا ب مژ و گومان دە کاروان عەلی شامار کۆچا داوی کریە و د ڤێ دەربارێ دە چ داخویانیەک زێدەتر نەھاتیە دایین.”
پشتی بوویەرێن 8 تیرمەھا 2021 د چارچۆڤەیا ناکۆکیێن د ناڤبەرا بافل تالەبانی و لاھور جەنگی دە ھەژمارەک کەسێن نێزیکی لاھور جەنگی ژ ئالیێ ھێزێن سەر ب بافل تالەبانی ب ئاوایێن جودا ھاتن تەرۆر کرن و ھەژمارەک ژ وان ژی ھاتن گرتن، کو یەک ژ وان کەسێن ھاتیە گرتن ژی کاروان عەلی شامار بوو.
کاروان عەلی شامار کەسایەتەکی نێزیک لاھور جەنگی و مامۆستایێ زانینگەھێ بوو و پشتی بوویەرێن 8ێ تیرمەھێ ژ ئالیێ ھێزەکا سەر ب بافل تالەبانی ڤە ھاتبوو گرتن و نھا ب ئاوایەکی گوماناوی ژیانا خوە ژ دەست دا.
