ل پارێزگەھا وانێ یا باکورێ کوردستانێ ب بریارا پارێزگاریێ مەش، چالاکی و جڤینێن ب کۆم یێن ل دەرڤە بۆ 2 رۆژان ھاتن قەدەغەکرن.
پارێزگاریا وانێ ب داخویانیەکێ ل سەر مالپەرا خوەیا فەرمی راگھاند کو ئیرۆ و سبە مەش، چالاکی، کامپانیایێن ئیمزەیان، چێکرنا راپرسیان، ڤەدانا چادر و ستاندان، داخویانیێن چاپەمەنیێ، بەلاڤکرنا بەلاڤۆکان، خوەپێشاندان، چالاکیێن روونشتنێ و جڤینێن ب کۆم یێن ل دەرڤە 2 رۆژان ھاتنە قەدەغەکرن.
پارێزگاریا وانێ دیار کر کو قەدەغە “ژ بۆ رێگرتنا ل ئێریشان”، “پاراستنا جان و مالێ وەلاتیان”، “ژناڤبرنا رێخستنێن تەرۆرێ” و “پێکانینا ئەولەھیا نشتیمانی” ھاتیە راگھاندن. ل گۆری داخویانیێ، قەدەغە وان چالاکیان ل خوە ناگرە کو ب دەستوورا پارێزگاریێ نە.
