پارتیا كاركهران ناسنامهیا ژنهكا دن یا كورد ئاشكهره كر كو ل دهستپێكا ڤێ مههێ ل گارزانێ ب دهستێ ئارتێشتا دهولهتا ترك دا كوشتن و ئاشكهره كر كو ئهو شههیدا خهتا ژنێ یه!.
ههپهگێ باسكێ لهشكهری یێ پارتیا كاركهران دوهـ رۆژا یهكشهمی 6\8\2023 ناسنامهیا چهكدارهكا خوه ئا ژن ب ناڤێ سولتان ئۆروج ب ناڤێ كۆد ئهردهم ئارارات ئاشكهره كر كو ل 1 تهباخا ئیسالێ ل ههرێما گارزانێ یا باكورێ كوردستانێ كهتیه بهر ئێریشێن دهولهتا ترك و ژیانا خوه ژ دهست دایه.
ههپهگێ د پهسنێ وێ ده تهڤی كو گۆتیه سولتان ملیتانا هێژا یا ئاپۆ بوو، ههر وها دهستنیشان كر كو ئهو د رییا خهتا ژنێ ده هاتیه فهدا كرن.
پارتیا كاركهران ژ دهستپێكا ئاڤابوونا خوه كهچ و ژنێن كوردان خاپاندنه و ب ناڤێ كوردستانێ ئهو كێشی چیا كرنه و ل ژێر دهرهوا ئازادییا ژنێ و شۆرشا ژنێ و خهتا ژنێ وان فهدا دكه.
پارتییا كاركهران و رێبهرێ وێ ل وێ باوهرێ نه كو ههیا ژ بهری ئاڤابوونا پارتیا كاركهران ژنا كورد د كۆلهتیێ ده بوو و ب خهباتا پارتیا و تێزێن ئاپۆ یێن نهلۆژیكی ژنا كورد سهردهست بوویه.