پێگه‌ها «رۆژنیۆز» یا پارتیا كاركه‌ران كو ل سلێمانیێ وه‌شانا خوه دكه، ل سه‌ر ناڤێ شێوه‌رمه‌ندێ سه‌رۆكوه‌زیرێ ئیراقێ ده‌ره‌وان پارڤه‌دكه و دبێژه: «چه‌كدارێن پارتیا كاركه‌ران ل سه‌ر داخوازا تركیێ هاتنه باشوورێ كوردستانێ»، لێ یا راست شێوه‌رمه‌ندی سوودانی گۆتیه: «ترکیە دخوازە په‌كه‌كێ ب داوی بکە دا کو هێزێن خوه ژ ئیراقێ ڤه‌كشه».
سه‌بهان مه‌لا جیاد شێوه‌رمه‌ندێ محه‌مه‌د شه‌یاع سوودانی یێ سه‌رۆكوه‌زیرێ ئیراقێ، رۆژا 30 تیرمه‌ها ئیسال 2023ێ ژ بۆی ئاژانسا نووچه‌یێن ئیراقێ «واع» ئاخڤیه و نرخاندن ژ بۆی سه‌ردانا سه‌رۆككۆمارێ تركیێ یا ژبۆی ئیراقێ كری یه كو تێ چاڤه‌رێن كرن ل ده‌مێن پێش مه ئه‌ڤ سه‌ره‌دان بێ ئه‌نجام دایین.
شێوه‌رمه‌ندێ سوودانی مه‌له‌فێن كو وێ ل گه‌ل ئاردۆگان بێن نیقاش كرن ئیفشا كرنه كو مژارا سه‌ره‌كه وێ مه‌له‌فا ئاڤێ به، هه‌ر وها د ده‌ربارێ پارتیا كاركه‌ران ده دبێژه:
«هێزێن ترکیێ د ناڤ ئاخا ئیراقێ دە هەنە، ئیراق دخوازە دەملدەست ئه‌ڤ هێز بێ ڤەکشاندن، ترکیە ژی دخوازە په‌كه‌كێ ب داوی بکە دا کو ئەو ژ ور ڤەکشن».
شێوه‌رمه‌ندێ سوودانێ ته‌نێ ب ڤێ رێزكێ د داخویانییا خوه یا ژ بۆی ئاژانسا «واع» ده به‌حسا پارتیا كاركه‌ران كری یه.
ئه‌ڤ ژی لینكا داخویانییا شێوه‌رمه‌ندێ سوودانی یا كو بۆ ئاژانسا نووچه‌یێن ئیراقێ دایه:
https://al-iraqinews.com/archives/384285
