پەکەکە و ھەدەپە ب سیاسەتا خوەیا دژە کوردایەتی و دژە کوردستانیبوونێ کوردێن باکور ب ترکییێ ڤە پینە کرنە و ژ ھەستێن کورد و کوردستانیبوونێ دوور خستنە. ئیرۆ پرانییا ئالیگر و ئەندامێن پەکەکێ و ھەدەپێ ژ ترکان و ژ پارتییێن سیستەمێ زێدەتر بوونە کەمالیست و پەسنێ ئاتاتورک ددن. ژ خوە سەدەما دژمناتییا کورد و کوردستانێ ژی ئەڤە کو کورد ژ ھەست و ھشمەندییا نەتەوی دوور بکەڤن و د ناڤ جڤاکا ترک دە بحەلن و ببن ترک. ئارمانجا سیاسەتا ترکییەییبوونێ ژی ئەڤە.
شیرکەتا لێپرسین و لێکۆلینێ “مەترۆپۆل” راپرسیەک د ناڤ دەنگدەرێن ھەدەپێ دە چێکر و د راپرسیێ دە ئەنجامێن اەیر دەرکەتن ھۆلێ. د راپرسیا کەسایەتییا دیرۆکی یا ھەری بلند دە ژ سەدی 51 ئالیگرێن ھەدەپێ ئاتاتورک وەک کەسایەتێ یەکەمین ھلبژارتن. د ڤێ دەربارێ دە ئالیگرێن پارتییا نیژادپەرەست مەھەپە ماتمایی مان.
دەنگدەرێن ھەدەپێ ژ دەنگدەرێن نیژادپەرەستێن مەھەپێ زێدەتر دەنگێ خوە دان
دامەزرینەر و رێڤەبرێ مەترۆپۆلێ ئووزەر سەنجار، ئەنجامێن لێکۆلینێن خوە ل سەر مەدیایا جڤاکی پارڤە کرن. موستافا کەمال ئاتاتورک د دانەیێن کو ب نۆتا “د ناڤ رایا گشتی دە قەدرێ سێ رێبەرێن دیرۆکی یێن ھەری ناسکری ھلبژێرن” دە د رێزا یەکەم دە جیھ گرت. د بەلاڤکرنا ئالیگرێن پارتییان دە ئەنجامێن سەیر دەرکەتن ھۆلێ. د پرسا “د دیرۆکێ دە رێبەرێ وە یێ بژارتە کیژان ژ ئەڤێن ژێرینە؟” دە ژ سەدی 58.2 یا بەشداران بەرسڤا موستەفا کەمال ئەتاتوورک دان. ئەتاتوورک ، فاتح سولتان محەمەد و عەبدولحەمید د ناڤ بژاردەیان دە بوون.
