سوپایا پاسداران يا ئیرانێ راگهاند کو د پەڤچوونەکە چەکداری دە ئەندامەکی وان ل ناڤچەیێن سینۆری یێن باکورێ پارێزگەها ئورمیێ یا رۆژهلاتێ کوردستانێ هاتیە کوشتن.
بریارگەها حەمزەیێ یا سوپایا پاسداران يا کۆمارا ئیسلامی یا ئیرانێ د داخویانیەکێ دە راگهاند کو شەڤا بۆری ل ناڤچەیێن سینۆری یێن چالدرانێ کو دکەڤە باکورێ ئورمیێ، د پەڤچوونەکە چەکداری دە ئەندامەکی وان هاتیە کوشتن.
د داخویانیا بریارگەها حەمزەیێ یا سوپایا پاسداران دە تێ گۆتن، پاسدار ئەمیر حسین سالحیان د دەما پێکانینا ئەرەکەکی تایبەت دە ل ئەنیا یووسف ئاڤا یا چالدرانێ ژ ئالیێ کەسێن (دژی شۆرەشێ ڤە هاتیە کوشتن) .
سوپایا پاسداران ئاماژە ب ناڤێ وی ئالیێ چەکدار نەکریە کو پەڤچوون پێ رە چێبوویە.
ل ناڤچەیێن باکورێ پارێزگەها ئورمیەیێ، پارتیا ژیانا ئازادا کوردستانێ (پژاک) چالاکە لێ بەلێ دەربارێ بوویەرا چالدرانێ دە ت داخویانی نەدایە.
بریارگەها حەمزەیێ یا سوپایا پاسداران گەفا وێ یەکێ خواریە کو دێ تۆلا وی ئەندامێ خوە هلدە و دبێژە، مەراسیما جەنازەیێ ئەندامێ وان دێ ئیرۆ ل ناڤەندا باژارێ چالدرانێ بێ کرن.
