دژە تەرۆرا کوردستانێ راگھاند، د ئەنجاما دو ئێرشێن جودا یێن فرۆکەیێن بێ فرۆکەڤان یێن ئارتێشا ترکیێ ل سەر 2 ئۆتۆمۆبیلێن چەکدارێن پەکەکێ، بەرپرسەکی ئەولەھیێ یێ پەکەکێ و شەرڤانەکی وان ھاتنە کوشتن و 4 ژی بریندار بوونە.
ل گۆر ئاگاهیێن دژە تەرۆرا کوردستانێ، ئیرۆ چارشەمبێ ل نێزیکی گوندێ گالالەیێ سەر ب ناڤچەیا ماوەت یێ سلێمانیێ، فرۆکەیەکا بێ فرۆکەڤانا ئارتێشا ترکیێ ئۆتۆمۆبیلەکا چەکدارێن پەکەکێ کر ئارمانج و تێ دە بەرپرسەکی ئیستخباراتا پەکەکێ ھات کوشتن و 2 ژی بریندار بوون.
هەر وەها ل گۆر ئاگاهیێن دژە تەرۆرا کوردستانێ، ئیرۆ دەمژمێر 15:30 ل نێزیکی گوندێ قەلاتی یێ سەر ب ناڤچەیا خەلکانی یا سلێمانیێ، د ئەنجاما ئێرشا فرۆکەیێن بێ فرۆکەڤان ل سەر ئۆتۆمۆبیلەکا چەکدارێن پەکەکێ، چەکدارەکی پەکەکێ ژیانا خوە ژ دەست دا و 2 ژی بریندار بوون.
