ل ناڤچەیێن سینۆری یێن هەرێما کوردستانێ، د ئەنجاما ئێریشەکی گەریلایێن پارتیا كاركه‌ران دە 5 لەشکەرێن ترکیەیێ هاتن کوشتن.
ل گۆری داخویانیەکە وەزارەتا بەرەڤانیێ یا ترکیێ، ل زاپێ د ئەنجاما ئێریشەکێ گەریلایێن پارتیا كاركه‌ران دە 2 لەشکەرێن وان جانێ خوە ژ دەست دان و 3 لەشکەرێن ژی بریندار بوونە.
هات راگهاندن، 3 لەشکەرێن بریندار ژ بۆ نەخوەشخانەیێ هاتن ڤەگوهاستن و تەڤی دەستێوەردانا بزیشکی ژی، هەر سێیان ژی جانێ خوە ژ دەست دان.
وەزارەتا بەرەڤانیێ یا ترکیێ ئاماژە ب وێ دا، ئۆپەراسیۆنێن وان ل هەرێمێ دەوام دکن.
ئارتێشا ترکیێ ژ 14 نیسانا سالا 2022ان ڤە ل دەڤەرێن وەکی زاپ، ئاڤاشین و مەتینایێ ئۆپەراسیۆنەکە بەرفرەهـ ل دژی گەریلایێن پارتیا كاركه‌ران ب رێ ڤە دبە. ل گۆری ئاماران ژی، هەتا نها نێزکێ 150 لەشکەرێن ترکیێ و زێدەتر 500 گەریلایێن پارتیا كاركه‌ران جانێ خوە ژدەست دانە.
