د سالڤەگەرا دەستپێکرنا شەرێ چەکداری یێ پەکەکێ دە، ل چەند باژارێن باکورێ کوردستانێ و ترکیێ نێزکی 50 کەس ھاتن بنچاڤکرن.
ھێزێن ئەولەھیێ یێن ترکیەیێ ئیرۆ بەربانگێ ل باژارۆکێن چەلێ، گەڤەر و شەمزینانێ یێن سەر ب باژارێ جۆلەمێرگێ ئۆپەراسیۆن کرن و ئاڤێتن سەر مالان.
ل گۆر زانیاریان، د ئەنجاما ئۆپەراسیۆنێ دە نێزکێ 30 کەس ب تۆھمەتا ئەندامتیا پەکەکێ ھاتنە بنچاڤکرن. ھەڤدیتنا بنچاڤکریان بۆ پارێزەرێن وان ژی ھاتیە قەدەغەکرن.
ل باژارێن ئەدەنەیێ ژی، 10 کەس ھاتنە بنچاڤکرن کو 4 ژ وان زارۆک بوون.
زارۆک ھاتنە ئازادکرن، لێ لێپرسینا شەش بنچاڤکریان بەردەوامە.
ھەروھا ل باژارێ ئیزمیرێ ژی 12 کەس ھاتنە بنچاڤکرن و بریارا نەھێنیبوونێ ل سەر دۆسیایا وان ھاتیە دایین. لێپرسینا ب کەسێن بنچاڤکری رە بەردەوامە.
