سازیا ئیستخباراتا ده‌وله‌تا ترکیێ میتێ ل باژارێ حەسەکێ یێ رۆژئاڤایێ کوردستانێ، یەک ژ رێڤەبەرێن یەکینەیێن پاراستنا ژنێ یەپەژێ کو باسکێ پارتیا كاركه‌ران یێ ژنانە ل رۆژئاڤایێ کوردستانێ و ھەر وھا بەرپرسا ژن و جوانان یا ب ناڤێ «ھیجران ئیجوز» کو د ناڤ پارتیا كاركه‌ران دە ب ناڤێ كۆد «ڤەژین ژیان» تێ ناسکرن د ئۆپەراسیۆنەکی دە کوشت.
ل گۆر ئاژانسا ئانادۆلو یا حکوومەتا ترکیێ، ھیجران ئیجوز د سالا 2016 دە بەشداری کاروبارێن رێخستنێ یێن ل چیا بوویە و پەروەردەیێن ئیدەۆلۆژیک و چەکداری وەرگرتینە و پشترە ژی ل رۆژئاڤایێ کوردستانێ بەشداری د پەروەردەکرنا جوان و زارۆکێن رۆژئاڤایێ کوردستانێ ده یێن بەشداری رێخستنێ بوونە کری یە.
ل گۆر ھەمان چاڤکانیێ ھیجران ئیجوز، د ناڤ رێخستنا چەکداری و جوانان دە د ئاستا بەرپرسیاره‌تیێ دە ئەرک وەرگرتیە، ل ھەرێمێن سینۆری د ئێریشێن ل ھەمبەر ھێزێن ئەولەھیا ترکیێ دە یەک ژ کەسێن پلانکارێ وان ئێریشان بوویە.
ھات راگەھاندن ھیجران ئیجوز، ب ناڤێ خوە یێ ل ناڤ پارتیا كاركه‌ران دە ڤەژین ژیان، د ئۆپەراسیۆنەکا میتێ دە ژیانا خوە ژ دەست دایە.
ل گۆر ھەمان چاڤکانیێ د چاپەمەنیا سەر ب پارتیا كاركه‌ران دە تێ راگھاندن کو ھیجران ئیجوز د ئەنجاما قەزایەکی دە ژیانا خوە ژ دەست دایە، لێ ئەڤ یەک بەرەڤاژی راستیێ یە.
