ل ناڤچەیا خنس یا سەر ب پارێزگەھا ئەرزەرۆما باکورێ کوردستانێ ژ 3 زارۆکێن کەچ یێن کەتینە گۆلا ئاڤدانا سەوالان دە 2 کەس خەنقین و ژیانا خوە ژ دەست دان.
ل تاخا ئاکبایر یا باژارێ خنس یێ ئەرزەرۆمێ 7 زارۆک بێ ئاگاھیا مالباتێن خوە ژ بۆ مەلەکرنێ کەتن گۆلا ئاڤدانا سەوالان و گۆلا کو بنێ وێ ئاخە بوو سەدەم کو ژ وان 7 زارۆکان 3 ژ وان مەترسیا خەنقینێ ژیان بکن.
ھات راگەھاندن ژ وان 3 زارۆکان ئەرجین جۆشکونێ 9 سالی پشتی ژ گۆلێ ھاتە دەرخستن ب ھەلیکۆپتەرێ ژ بۆی نەخواشخانەیا زانینگەھا لێکۆلینێ یا ئاتاتورکا ئەرزەرۆمێ ھاتە ڤەگوھەستن.
ژ ئالیێ دن ڤە کەچێن ب ناڤێن ئەلیف بەرفین دەمیر یا 12 سالی و سەرایی چەلیکا 11 سالی ژ ئالیێ گوندیان ڤە تەرمێن وان ژ گۆلێ ھاتن دەرخستن و تەرمێ ھەردو کەچان ژ بۆ پزشکیا داد یا ئەرزەرۆمێ ھاتە ڤەگوھەستن.
پشتی بوویەرێ ئاڤا وێ گۆلێ ھاتە ڤالا کرن.
