ل ناڤچەیا ئەلباکێ یا پارێزگەها وانێ جەردەڤانێ کو دەستدرێژی ل زارۆکەکە 16 سالی کر، هات دەستەسەرکرن.
ل گۆری مالپەرێن خوەجهی یێن نووچەیان یێن وانێ یا باکورێ کوردستانێ، ل تاخا کربالیێ یا ناڤچەیا ئەلباکێ جەردەڤانێ ب ناڤێ ب.ا دەستدرێژی ل زارۆکەکە 16 سالی کریە.
جەردەڤانێ ب ناڤێ ب.ا زەوجییە و باڤێ 2 زارۆکانە.
پشتی کو بوویەر ئەشکەرە بوو، جەردەڤانێ ناڤبووری ب گلیێ مالباتا زارۆکا 16 سالی رۆژا ئینیێ هات دەستەسەرکرن.
هات راگهاندن کو کاروبارێن ئیفادەیێ یێن وی جەردەڤانی بەردەوام دکن.
ل گۆری ئیدیعایان پشتی کو بوویەرا دەستدرێژیێ ئەشکەرە بوویە، وی ژ بۆ کو گلیێ ل وی نەکن زەخت ل مالباتا زارۆکا 16 سالی کری یە.
