جەندرمەیان عومه‌ر ئۆجه‌لان ب زۆری بر

پارتیا چەپێن کەسک راگهاند کو جەندرمەیان پارلامەنتەرێ وان عومه‌ر ئۆجه‌لان كو برازیێ عه‌بدوللا ئۆجه‌لانه‌ ب زۆرێ برنە ناڤەندا جەندرمەیان.

پارتیا چەپێن کەسک (YSP) ل سەر حه‌سابا خوە یا تۆرا جڤاکی راگهاند کو نوونەر و ئالیگرێن پارتیا وان ل سەر گۆرا هەڤسەرۆکێ شارەداریا خەلفەتیێ بازۆ یلماز چالاکیەکە بیرانینێ ل دار خستن.

جەندرمەیان ئێرشی کەسێن کو بەشداری بیرانینا بازۆ یلماز بوونە کر کو پار د گرتیگەهێ دە جانێ خوە ژ دەست دابوو و چەند کەس دەستەسەر کرنە.

پارتیا چه‌پێن كه‌سك هەر وها دا زانین کو جەندرمەیان خوەستنە پارلامەنتەرێ وان یێ رهایێ عومه‌ر ئۆجه‌لان ژی دەستەسەر بکن لێ نکارینە وێ یەکێ بکن و ئەو ب زۆرێ برنە ناڤەندا جەندرمەیان.

پارتیا چەپێن کەسک د داخویانیا خوە یا کو ل سەر حەسابا تۆرا جڤاکی بەلاڤ کریە دە ئانی زمان:

«جەندرمەیێن کو ئێریشی کەسێن بەشداری مەراسیما ل سەر گۆرا هەڤسەرۆکێ شارەداریا مە یا خەلفەتیێ بازۆ یلماز کریە، وان هەر وها خوەستیە پارلامەنتەرێ مە عومه‌ر ئۆجه‌لان دەستەسەر بکن.

دەما نکارینە ڤێ یەکێ بکن وان ئەو ب زۆرێ بریە ناڤەندا جەندرمەیان. ئەم دژی ڤێ ئێرشا هۆڤانە یا ل بەرامبەری ئیرادەیا گەلێ کورد بێدەنگ نامینن و ئەم دێ حەسابێ وێ یەکێ بپرسن».

https://twitter.com/YesillerSol/status/1692923634585571630?s=20