گوندێ گورهه‌زرێ ئیرۆ جاره‌كه دن ژ هێلا ئارتێشا ده‌وله‌تا ترك ڤه هات تۆپباران كرن، ئه‌ڤ ژی دبه تۆپبارانا دویه‌مین د 4 رۆژان ده ل ناڤه‌ندا گوندێ ناڤبووری تێ كرن.
ئیرۆ 20/8/2023 ئارتێشا تركیێ جاره‌كه دن تۆپ ئاڤێتن گوندێ گوهه‌رزێ یێ گرێدای قه‌زایا ئامێدیێ گوللـه تۆپه‌ك ب ناڤه‌ندا گوند كه‌ت و زرار ل په‌ی هاتنه.
تۆپبارانا ئیرۆ دبه یا دویه‌مین د ده‌ما 4 رۆژان ده كو ل سه‌ر ناڤه‌ندا گوندێ گوهه‌رزێ تێ كرن پشتی كو ل 17 ته‌باخێ گوللـه تۆپه‌ك ب نێزی مالا هه‌مولاتییه‌كی گوند یێ ب ناڤێ محه‌مه‌د ئه‌مین كه‌تی.
تۆپخانه‌یا ئارتێشا تركیێ ل 6 ته‌باخا ئیسال ژی گوللـه تۆپه‌ك ئاڤێت ناڤه‌ندا گوندێ گوهه‌رزێ و ب به‌ر ماله‌كێ كه‌ت و زرار ل په‌ی خوه هشتن.
ل هه‌مان رۆژێ بالافرێن كه‌شفێ ل ئۆتۆمبیلا هه‌مولاتیه‌كی ناڤچه‌یا چه‌مانكێ ژی خستبوو و ب وێ سه‌ده‌مێ جوانێ ب ناڤێ ئالان ئیسماعیل كو 5 مه‌هـ بوون زه‌وجی بوو شه‌هید كه‌ت و كه‌سه‌ك دن ژی بریندار ببوو.
گوندێ گوهه‌رزێ یێكه ژ گوندێن ده‌ڤه‌را نهێلێ دكه‌ڤه قونتارا چیایێ مه‌تینایێ ب دووراتییا (20) كیلۆمه‌ترویان ب ئالێ رۆژهلاتا باژێرێ ئامێدیێ، ژووریا گوند زنجیرا چیایێ مه‌تینی یه و ژێریا گوند سپنه‌یه، رۆژهلاتا گوندی زێ یه و رۆژئاڤا گوندێ (به‌ڵاڤه‌یه) هه‌ف سینۆره ب گوندێن گێرگاش ، مه‌هیدێ، ڕه‌شاڤه ، به‌رچی ، به‌ڵاڤه، برکاهینێ ، کومه‌لگه‌ها دێره‌لوکێ.
