پارتیا كاركه‌ران ئیرۆ ناسنامه‌یا 3 كه‌چێن دن یێن كوردان ئاشكه‌ر كر كو ئه‌و ژی د به‌رخوه‌دانا خوه یا ساخته و بێ ئه‌نجام ده فه‌دا كرنه.
هه‌په‌گێ باسكێ له‌شكه‌ری یێ پارتیا كاركه‌ران ئیرۆ رۆژا دوشه‌می 21\8\2023 ناسنامه‌یا 3 چه‌كدارێن خوه یێن ئاشكه‌ره كر كو ل 5 ته‌باخا ئیسالێ ل قادا باگۆكێ یا مێردینێ ل باكورێ كوردستانێ ب ده‌ستێ ئارتێشا ده‌وله‌تا ترك دا نه كوشتن و ژ نوو ڤه مرنا وان ئیفشا كر.
ناڤێن وان وسایه:
شه‌كیرناز كاپلان ژ بدلیسێ.
ئه‌مینه كاپلان ژ ئێله‌هێ.
له‌یلا گولجو ژ ئامه‌دێ.
پارتیا كاركه‌ران شه‌كیرناز، ئه‌مینه و له‌یلا وه‌كه ب هه‌زاران كه‌چێن دن یێن كوردان خاپاندن و د به‌رخوه‌دانه‌كه ساخته و بێ ئه‌نجام ده دا نه كوشتن و د په‌سنێ وێ ده ئیرۆ دبێژه ئه‌و فه‌دایی ئاپۆ بوونه، ئه‌و گه‌ریلایێن خه‌تا ژنێ بوون.
رێخستنا په‌كه‌كێ هه‌ر رۆژ وێنه‌یێن كۆمێن كه‌چ و جوانێن كوردان به‌لاڤ دكه یێن كو د سالێن به‌رێ ده فه‌دا كری و پاش ده‌رباسبوونا ده‌مه‌ك درێژ ژ نوو ڤه مرنا وان ئیلان دكه، تێ ته‌خمین كرن ب هه‌زاران جوانێن كورد مابن كو هێژان په‌كه‌كێ ناسنامه‌یا وان ئیفشا نه‌كربه.
