یەکەیێن لیوایا 22 یا پیادەیا وەزارەتا پێشمەرگە و ھێزێن لیوایا 31 یا فرقەیا ھەشتا ئارتێشا ئیراقێ، ئۆپەراسیۆنەکا ھەڤبەش ل ناڤچەیا قەرەحەسەن-لەیلان ئەنجام دان.
رۆژا 21 تەباخا 2023، د داخویانیەکێ دە کو فەرمانگەھا مەدیا و زانیاری یا حکوومەتا ھەرێما کوردستانێ راگھاند: “ب مەبەستا دابینکرنا ئاساییش و ئارامیا زێدەتر ل ناڤچەیێ، سبەھا رۆژا 20 تەباخا 2023، لیوایا 22 یا پیادەیا وەزارەتا پێشمەرگە، ب ھەڤبەشیا لگەل ئارتێشا ئیراقێ، ل ناڤچەیا قەرەحەسەن-لەیلان، ئۆپەراسیۆنەک ئەنجام دان.”
ل گۆر زانیاریێن فەرمانگەھا مەدیا و زانیاری یا حکوومەتا ھەرێما کوردستانێ، ئۆپەراسیۆن ژ دو ھێلان ڤە بوویە، ھێلا یەکەم ب بەشداریا ھەموو یەکەیێن لیوایا 22 یا پیادەیا وەزارەتا پێشمەرگە بوویە و گوندێن جەوەلبۆر، چەمێ زەنگەنە، قشلاخی کۆن، خدربەگ و جۆگرافیایا سینۆرێ وان کۆنترۆل کرن. ھەروھا ھێلا دویەم، ھێزێن لیوایا 31 یا فرقەیا ھەشتا ئارتێشا ئیراقێ ژ بەنداڤا شیرینە ڤە ب ئاراستەیا بلنداھیێن جەوەلبۆر، بەر ب رێیا سەرەکەیا کەرکووک-سلێمانی، ل ناڤچەیێ ئۆپەراسیۆن کرن.”
ئۆپەراسیۆن بۆ دەما ھەفت دەمژمێران بەردەوام بوو، تێ دە ناڤچەیا دیارکری ھات کۆنترۆلکرن کو دھات گومانکرن، تەرۆریستێن داعشێ وەک رێیا رەڤێ، وێ ناڤچەیێ ب کار بینە.
