وەزارەتا بەرەڤانیێ یا ترکیێ راگھاند کو لەشکەرەکی وان ل ناڤچەیا زاپێ ھاتیە کوشتن.
وەزارەتا بەرەڤانیێ یا ترکیێ دا زانین کو ئەڤ لەشکەر، ل ھەرێما زاپ-ئاڤاشینێ یا باشوورێ کوردستانێ دە بریندار بووبوو. وەزارەتێ ئەشکەرە کر، لەشکەرێ وانێ ب ناڤێ ئەرکان سەلچوک کو دوھ ل باشوورێ کوردستانێ بریندار بووبوو، مریە.
ل گۆری وەزارەتا پاراستنێ یا ترکیەیێ، ئەرکان سەلچوک د ئەنجاما تەقینا بۆمبەیەکە کو ژ ئالیێ چەکدارێن پەکەکێ ڤە ھاتبوو چاندن، مریە.
ئارتێشا ترکیێ 17 نیسانا 2022 ل دەڤەرێن زاپ، ئاڤاشین و مەتینایێ یێن باشوورێ کوردستانێ ب ھنجەتا ھەبوونا چەکدارێن پەکەکێ دەست ب ئێرشەکە ب ناڤێ “ئۆپەراسیۆنا پەنجە-کلیدێ” کر و ئەو ئێرش ھەتا نھا ژی بەردەوام دکە.
