ل دێرەزۆرێ د شەرێ ناڤبەرا ئەنجوومەنا لەشکەری یا دێرەزۆرێ و هه‌سه‌دێ دە 28 کەس هاتنە کوشتن.
شەڤا یەکشەمێ هێزێن تایبەتێن هێزێن سووریەیا دەمۆکراتیک (هه‌سه‌دێ) ل پارێزگەها دێرەزۆرێ ئۆپەراسیۆنەکە بەرفرەه یا ب ناڤێ «خورتکرنا ئەولەهیێ» دابوو دەستپێکرن.
د ئۆپەراسیۆنێن هه‌سه‌دێ دە سەرۆکێ ئەنجوومەنا لەشکەری یا دێرەزۆرێ ئەحمەد ئەل-خەبیل ئەبوو خەولە و چەند کەسێن نێزیکی وی هاتبوون دەستەسەر کرن.
پشتی دەستەسەرکرنا سەرۆکێ ئەنجوومەنا لەشکەری یا دێرەزۆرێ ئەحمەد ئەل-خەبیل ئەبوو خەولە، ل هەرێمێ ئالۆزی گور بوون.
ل سەر ڤێ یەکێ، ئالیگرێن ئەبوو خەولە ئێرشی خالێن هه‌سه‌دێ و هێزێن ئەولەکارییا هوندرین کر.
هەروها چەکدارێن دن ژی ئێریشی بنکەیا هه‌سه‌دێ یا ل باژارۆکێ ئەل بەسیرایێ یێ ل گوندەوارێ رۆژهلاتێ دێرەزۆرێ کر.
ب دژواربوونا ئێرشان رە، هه‌سه‌دێ و هێزێن ئەولەکاریا هوندرین ئۆپەراسیۆنەکە ب ناڤێ «خورتکرنا ئەولەهیێ» دان دەستپێکرن.
پشتی شەر و پەڤچوونێن دژوارێن د ناڤبەرا هه‌سه‌دێ و ئەنجوومەنا لەشکەری یا دێرەزۆرێ و ئەندامێن عەشیران دە، هه‌سه‌دێ باژارۆکێ ئەل- ئەزبایێ یێ ل گوندەوارێ دێرەزۆرێ کۆنترۆل کر.
هەروه‌ها هه‌سه‌دێ ژ چەکدارێن مایی رە دەمەک دیار کر کو خوە رادەست بکن یان ژی ژ باژێر دەرکەڤن.
28 کەس هاتنە کوشتن
ل ئالیێ دن روانگه‌ها مافێن مرۆڤان یا سووریێ راگهاند کو د شەر و پەڤچوونان دە هه‌تا نها 28 کەس هاتنە کوشتن.
ل گۆری روانگه‌ها 3 سڤیل (دو زارۆکێن کەچ و ژنەک)، 19 چەکدار و ئەندامێن عەشیران و 3 شەرڤانێن هه‌سه‌دێ هاتنە کوشتن.
هەروها دا زانین کو هەری کێم 15 کەس ژی بریندار بوونە کو 8 ژ وان ئەندامێن عێشیران و 7 کەس ژی شەرڤانێن هه‌سه‌دێ نه.
عەشیران گەف ل هه‌سه‌دێ كرنه
ل ئالیێ دن، هن عەشیرێن دێرەزۆرێ ژ بۆ بەردانا ئەحمەد ئەبوو خەولە 12 ساعەت دەم دا نه هه‌سه‌دێ.
ئەندامێن عەشیران کو ل سەر مەدیایا جڤاکی گەف ل هه‌سه‌دێ خوارن و دیار کرن کو ئەگەر ئەحمەد ئەبوو خەولە نەیێ بەردان ئەو دێ هه‌سه‌دێ بکن هەدەف.
