هه‌سه‌دێ ئاشکەرا کر کو د ئۆپەراسیۆنا «خورتکرنا ئەولەهیێ دە» ل گوندەوارێ دێرازۆرێ 5 شەرڤانێن هێزێن ئەل شەمالا دەمۆکراتیکا سەر ب هه‌سه‌دێ ڤە هاتن کوشتن.
ناڤەندا راگهاندنێ یا هێزێن سووریا دەمۆکراتیک (هه‌سه‌د) د داخویانیەکێ دە ئاشکەرا کر، د ئۆپەراسیۆنا «خورتکرنا ئەولەهیێ» دە یا کو هه‌سه‌دێ ل دژی چەتەیێن داعشێ و سووچداران ل گوندەوارێ دێرازۆرێ دەست پێ کریە، 5 شەرڤانێن هێزێن ئەل شەمالا دەمۆکراتیک هاتنە کوشتن.
هه‌سه‌دێ ژ رۆژا 27ێ تەباخێ ڤە ل هەرێمێن رۆژهلات و باکورێ دێرازۆرێ ل دژی شانەیێن داعشێ و قاچاخچیێن مادەیێن هشبر، دەست ب ئۆپەراسیۆنا «خورتکرنا ئەولەهیێ» کری یه.
ل گۆری داخویانیا هه‌سه‌دێ، ئەڤ ئۆپەراسیۆن ل سەر بانگەوازیا رووسپیێن هەرێمێ هاتیە، پشتی زێدەبوونا تەڤگەرا شانەیێن داعشێ، قاچاخی و بنپێکرنا مافێن وەلاتیان و ئەولەهیا گشتی دەست پێ کریە.
ئەڤ ئۆپەراسیۆنا هه‌سه‌دێ ب پشتەڤانیا هێزێن هەڤپەیمانیا ناڤدەولەتی برێڤە دچە و گەلەک پێکهاتەیێن سەر ب هه‌سه‌دێ ڤە تێ دە بەشدارن.
