سەرۆکوەزیرێ هەرێما کوردستانێ مەسروور بارزانی رازەمەندی نیشان دا ل سەر تەرخانکرنا 15 دۆنم زەڤی ل قەزایا مەخموورێ ژ بۆ ئاڤاکرنا نەخوەشخانەیەکە 100 نڤینی ژ وەلاتیێن مەخموور و دەردۆرا وێ رە.
ل گۆر نڤیسەکە وەزارەتا شارەداری و گەشتووگوزار کو ژ رێڤەبەریا گشتی یا شارەداریان یا هەولێرێ رە هاتیە شاندن، سەرۆکوەزیرێ هەرێما کوردستانێ مەسروور بارزانی رازەمەندی نیشان دا ل سەر تەرخانکرنا 15 دۆنم ژ زەڤیێن که‌رتا 7 ل قەزایا مەخموورێ، ژ بۆ ئاڤاکرنا نەخوەشخانەیەکە 100 نڤینی ژ وەلاتیێن مەخموور و دەردۆرا وێ رە.
هەروها داخواز هاتیە کرن کو ئەڤ بریار ل گۆری رێکارێن یاسایی و ئیداری بێ جبجیکرن.
پێشتر خەلکێ قەزایا مەخموورێ ئەڤ مژار گهاندبوون وەزارەتا شارەداری و گەشتووگوزاریێ و پشترە ژی وەزیرێ شارەداری و گەشتووگوزاریێ داخوازێن وەلاتیێن وێ دەڤەرێ بۆ ئەنجوومەنا وەزیران بلند کربوو. سەرۆکوەزیرێ هەرێما کوردستانێ د دەمەک کێم دە فەرمانا تەرخانکرنا زەڤی ژ بۆ ئاڤاکرنا نەخوەشخانەیەکێ ژ بۆ وەلاتیێن قەزایا مەخموورێ و دەردۆرا وێ دا.
چاڤكانی: كوردستان 24
