پارتیا كاركه‌رێن كوردستانێ ئیرۆ ناسنانه‌یا دو چه‌كدارێن دن یێن رێخستنێ یێك ژێ باژارێ هه‌له‌بجه یه ئاشكه‌ره كر كو دو سالان به‌رێ ب ده‌ستێ ئارتێشا ده‌وله‌تا ترك دا نه كوشتن و ژ نوو ڤه مرنا وان ئیفشا كر.
هه‌په‌گێ باسكێ له‌شكه‌ری یێ پارتیا كاركه‌ران ئیرۆ رۆژا پێنجشه‌می 31\8\2023 ناسنامه‌یا دو چه‌كدارێن خوه ئاشكه‌ر كر كو ل خزیرانا سالا 2021ێ ل ده‌ڤه‌را زاپێ یا ل باشوورێ كوردستانێ ب ده‌ستێ ئارتێشا ده‌وله‌تا ترك دا نه كوشتن و پاش ده‌رباسبوونا دو سالان ژ نوو ئیرۆ هاتییه و مرنا وان ئیلان كری یه.
ئه‌ڤ هه‌ردو چه‌كدار كو یێك ژێ ژ هه‌له‌بجه‌یه و ناڤێ وی وارزه‌ر یاسینه وه‌كه ب هه‌زاران جوانێن دن یێن كوردان ل ژێر ناڤێ عه‌شقا كوردستانێ خاپاندن و د شه‌ره‌كی بێ واته ده فه‌دا كر، چه‌كدارێ دن ژی ژ مێردینێ یا باكورێ كوردستانێ یه و ناڤێ وی محه‌مه‌د سه‌عیده كو نوو ته‌مه‌نا زارۆكتیێ قه‌داندی یه.
پارتیا كاركه‌ران ژ بۆی چێكرنا شه‌رڤانان پشتبه‌ستنێ ل سه‌ر ره‌ڤاندنا زارۆكێن كوردان ژ هه‌ر چار په‌رچه‌یێن كوردستانێ دكه و ئه‌ڤ یێك ژ هێلا رێخستنێن مافێن مرۆڤان و نه‌ته‌وێن یه‌كبوویی ڤه هاتییه ته‌سپیت كرن.
