ل پارێزگەھا وانێ ب بریارا پارێزگاریێ مەش، چالاکی و جڤینێن ب کۆمێن ل دەرڤە بۆ 2 رۆژان ھاتن قەدەغەکرن.
پارێزگاریا وانێ یا باکورێ کوردستانێ ل سەر مالپەرا خوەیا فەرمی راگھاند، رۆژێن شەمبی و یەکشەمبێ مەش، چالاکی، کامپانیایێن ئیمزەیان، چێکرنا راپرسیان، ڤەدانا کۆن و ستاندان، داخویانیێن چاپەمەنیێ، بەلاڤکرنا بەلاڤۆکان، خوەپێشاندان، چالاکیێن روونشتنێ و جڤینێن ب کۆمێن ل دەرڤە 2 رۆژان ھاتنە قەدەغەکرن.
پارێزگاری دبێژە، “قەدەغە ژ بۆ رێگرتنا ل ئێریشان، پاراستنا جان و مالێ وەلاتیان، ژناڤبرنا رێخستنێن تەرۆرێ و پێکانینا ئەولەھیا نشتیمانی” ھاتیە راگھاندن.
ل گۆری داخویانیێ، قەدەغە وان چالاکیێن کو ب دەستوورا پارێزگاریێ نە ل خوە ناگرە.
چەند ھەفتەیێن بۆری ژی رۆژێن شەمبی و یەکشەمبێ ب بریارا پارێزگاریێ، ل وانێ چالاکی ھاتبوون قەدەغەکرن.
