پارتیا كاركه‌ران بیلانچۆیا شه‌رێ خوه یێ بێ ئه‌نجام و به‌رخوه‌دانا خوه یا ساخته یا مه‌ها ته‌باخێ ئاشكه‌ر كر و ل گۆری وێ 134 له‌شكه‌رێن ترك هاتنه كوشتن.
هه‌په‌گێ باسكێ له‌شكه‌ری یێ پارتیا كاركه‌ران، ئیرۆ رۆژا شه‌می 2/9/2023 بیلانچۆیا ته‌باخێ ئاشكه‌ره كر و گۆت كو چه‌كدارێن وان 134 له‌شكه‌رێن ترك كوشتنه و 23 بریندار كرنه، ل همبه‌ری ڤێ 10 گه‌ریلا ژیانا خوه ژ ده‌ست دا نه.
ل گۆری پارتیا كاركه‌ران، د ته‌باخێ ده هه‌ر رۆژێ 4 هه‌یا 5 له‌شكه‌ران هاتنه كوشتن!! هه‌گه‌ر ئه‌ڤ یێك راست به پێویسته كێفا هه‌ر كورده‌كی ژێ ره وه‌ره، لێ به‌لێ هه‌ر كو دچه پارتیا كاركه‌ران به‌رخوه‌دانا خوه ب ده‌ره‌وێن ب شاخ گه‌ش دكه و كوشتنا ئه‌وقاس له‌شكه‌ران ل هۆلێ تونه.
پارتیا كاركه‌ران ژ سه‌رجه‌ما 134 له‌شكه‌رێن كو گۆتییه وێ كوشتنه، دیمه‌نێن یه‌ك ژ وان ژی پارڤه نه‌كریه و د نووچه‌یا راگهاندنا كوشتنا وان ده وێنه‌یا دو چه‌كدارێن كه‌چ یێن زارۆ پارڤه‌كریه.
ده‌وله‌تا ترك و په‌كه‌كه هه‌ر ل ناڤبه‌را چه‌ند رۆژان بیلانچۆیا زرارێن هه‌ڤ رادگهینن، هه‌ر یێك دبێژه مه ئه‌وقاس كوشتنه، لێ هه‌ردو ئالی راست نابێژن و ڤێ وه‌كه شه‌ره‌كێ تایبه‌ت ل دژی هه‌ڤ دمه‌شینن و یێ كو زرارا راستین ئا ڤی شه‌رێ بێ واته دده، گه‌لێ باشوورێ كوردستانێ یه.
