بەردەڤکێ حکوومەتا ھەرێما کوردستانێ رادگھینە، ل سەر راسپەردەیا سەرۆک بارزانی، سەرۆکوەزیرێ ھەرێما کوردستانێ فەرمان دا وەزارەتا شەھیدان و ئەنفاکریان کو سەرەدەریا شەھیدان ب شەھیدێن بوویەرێن دوھی یێن کەرکووکێ وەرە کرن.
پشتی 5 رۆژان کو ئالیگرێن حەشدا شەعبی و ھندەک عەرەب و ترکمەنان رێیا سەرەکەیا کەرکووک – ھەولێرێ گرتین و ئاستەنگی ل پێشیا وەلاتیێن کەرکووکێ چێکرین و سڤکاتی ب ئالا و سەمبۆلێن ھەرێما کوردستانێ کرین، کوردێن کەرکووکێ دەرکەتن خوەپێشاندانێ و داخوازا ڤەکرنا رێیا ھەولێر – کەرکووکێ و پاراستنا روومەتا کوردستانێ کرن، د ئەنجامێ دە ژێ ھێزێن ئەولەھیێ تەقە ل خوسەپێشاندەران کرن و 4 کەس شەھید بوون و 14 کەس ژی بریندار بوون.
