خوەپێشاندانێن ل کەرکووکێ ژ بۆ شەرمەزارکرنا رەشکرنا جوانێن کورد و شەھیدکرنا 4 وەلاتیێن کورد د خوەپێشاندانێن 2 ئیلۆنێ دە ژ ئالیێ ھێزێن ئیراقی ڤە ژ نوو ڤە دەست پێ کرن.
ئێڤاریا رۆژا دوشەمبیێ ھەژمارەک زێدە ژ وەلاتیێن کورد ل تاخا شۆرجەیا باژارێ کەرکووکێ ژ بۆ شەرمەزارکرنا شەھیدکرنا 4 وەلاتیێن کورد و دەستەسەرکرنا زێدەتر ژ 40 کەسان ب تۆمەتا بەشداریا د خوەپێشاندانان دە خوەپێشاندانەک لدار خستن.
ئێڤاریا ئیرۆ شەمبیێ د ئەنجاما گولـلەرەشاندنا ھێزێن ملیس و ھێزێن ئەولەھیێ یێن ئیراقێ ل سەر وەلاتیێن کورد ل کەرکووکێ، 4 خۆرتێن کورد ھاتن کوشتن و چەند کەسێن دن ژی بریندار بوون.
