4 ئەندامێن ئاسایشێ ل گوندەکی منبجێ ھاتن کوشتن

 4 ئەندامێن ھێزێن ئەولەکاریا ھوندرین “ئاساییش” د ئێریشەکە چەکداری دە ل گوندەکی منبجێ ھاتن کوشتن.

رەوانگەھا سووری یا مافێن مرۆڤان بەلاڤ کر، گرووپەکا چەکدارێن نەناس شەڤا بۆری ئێریشی دەوریەکا ئاسایشێ ل گوندێ ھیمەر لابادا یێ ل گوندەوارێ منبجێ کر و پشترە رەڤیا.

دا زانین، د ئەنجاما ئێریشێ دە 4 ئەندامێن ئاساییشێ کو د ناڤ وان دە رێڤەبەرەک ھەبوو، ھاتن کوشتن.

ل خەتێن پێوەندیێ یێن د ناڤبەرا ھەرێمێن د بن کۆنترۆلا چەکدارێن ئۆپۆزیسیۆنا سووریێ یێن کو ترکیە پشتەڤانیا وان دکە و ھەرێمێن د بن کۆنترۆلا ئەنجوومەنا لەشکەری یا منبجێ دە، گەلەک جاران شەر و پەڤچوون دەردکەڤن.

دوھی ژی ئەنجوومەنا لەشکەری یا منبجێ راگھاندبوو کو د ناڤا 4 رۆژێن بۆری دە، 26 چەکدارێن ئۆپۆزیسیۆنا سووریێ د ئێریشێن وان دە ھاتنە کوشتن و 21 چەکدار ژی بریندار بوونە.