بریندارەکی خوەپێشاندانێن باژارێ کەرکووکێ ژ بەر گرانیا برینێن وی، شەڤا بۆری ل سەر فەرمانا سەرۆک بارزانی بۆ نەخوەشخانەیەکە هەولێرێ هات ڤەگوهاستن.
بریندارێ ب ناڤێ محەمەد عەدنان یێ 31 سالی، شەڤا بۆری ب فەرمانا سەرۆک بارزانی ژ بۆ نەخوەشخانەیا فریادێ یا رۆژئاڤایێ هەولێرێ هات ڤەگوهەستن.
بابێ محەمەد ژ كوردستان 24ێ رە راگهاند، محەمەد نها د بن چاڤدێریا هوور یا پزیشكی دە یە، ئەگەر رەوشا وی یا تەندروستیا باشتر نەبە، بریار هات دایین کو ل سەر فەرمانا سەرۆک بارزانی ژ بۆ دەرمانکرنێ بۆ دەرڤە وەرە شاندن.
ئیرۆ ژی وەزیرێ تەندروستیێ یێ حکوومەتا هەرێما کوردستانێ د. سامان بەرزەنجی سەردانا محەمەد عەدنان کر و رەوشا وی ژ نێزیک ڤە شۆپاند.
رۆژا شەمیێ 2/9/2023، هەژمارەک ژ جوانێن کوردێن کەرکووکێ ل دژی گرتنا رێیا سەرەکە یا هەولێر – کەرکووکێ ژ ئالیێ بەشەک ژ عەرەب و ترکمەنێن کەرکووکێ ڤە، خوە پێشان دان. هێزێن ئەولەهیێ ژی ب گوللـەیان دەستێوەردانا خوەپێشاندانێ کرن و 4 وەلاتیێن کورد هاتن شەهیدکرن و 15 وەلاتیێن دن ژی بریندار بوون.
