چه‌كدارێن گرێدایی پارتیا كاركه‌ران ل ناڤچه‌یا سنوونێ، كه‌چه‌كه ئێزدی یا ته‌مه‌ن 12 سالی ره‌ڤاندن و ئه‌ڤ 40 رۆژن چاره‌نووسا وێ نه‌دیاره.
چاڤكانیێن پێگه‌ها داركا مازی ل باشوورێ كوردستانێ ئه‌شكه‌ره كرن، چه‌كدارێن ب ناڤێ یه‌كینه‌یێن ژنان یێن شه‌نگالێ «یه‌ژه‌شه» باسكێ ژنان یێ یه‌به‌شێ ئا سه‌ر ب پارتیا كاركه‌ران ڤه ل شه‌نگالێ، كه‌چه‌كه ئێزدی كو زارۆكه و ته‌مه‌نا وێ ته‌نێ 12 سالن ژ ناحیا سنوونێ ره‌ڤاندن.
ده‌ستنیشان كرن، چه‌كدارێن یه‌ژه‌شێ ل 20 تیرمه‌ها ئیسال 2023ان كه‌چا ب ناڤێ «دانیله خه‌له‌ف حاجی» ژ سنوونێ ره‌ڤاندنه و ئه‌ڤ نێزی 40 رۆژانه ت ئاگاهی ژ وێ نه‌هاتنه ب ده‌ست خستن و چاره‌نووسا وێ نه‌دیاره.
پارتیا كاركه‌ران كو ب ده‌هان هێز و میلیشیا ل شه‌نگالێ، سنوونێ و هه‌رێمێ چێكرنه، ژ ده‌ما كو كه‌تیه د شه‌نگالێ و ناڤچه‌یێ ده ب سه‌دان زارۆكێن ئێزدی ره‌ڤاندنه و كرنه چه‌كدار، هنه‌ك ژێ ل پارچه‌یێن دن یێن كوردستانێ دا نه كوشتن و هنه‌ك ژێ كێشی چیا كرنه، چه‌كدارێن په‌كه‌كێ ل ژێر ناڤێن وه‌كه ده‌ورا مۆزیكێ و سپۆرێ و چالاكیێن هه‌مئاوا، زارۆكێن ئێزدییان دخاپینن و د ره‌ڤینن.
