ناڤەندا راگھاندن و چاپەمەنیێ یا یەپەژێ ب داخویانیەکێ راگھاند کو رۆشنا عەگید د 2 ئیلۆنا 2023 دە د ئەنجاما ئێریشا ھەوایی یا دەولەتا ترک یا داگیرکەر شەھید بوویە. یەپەژە کو د چارچۆڤەیا خەباتێن لەشکەری یێن پەکەکێ یێن ل رۆژئاڤا دە جھ دگرە، وەکە تەڤگەرا ژنێ یا یەپەگێ تێ ناسکرن. چاپەمەنیا پەکەکێ ب بێدەنگی داخویانی دا، دەر بارێ ناسنامەیا کەسا هاتیە کوشتن دە چ ئاگاھی نەھاتن ئەشکەرەکرن.
د داخویانیێ دە ھاتە دیارکرن کو رۆشنا پیران د 2 ئیلۆنێ دە ژیانا خوە ژ دەست دایە، لێ جھ نەھاتە دیارکرن. چاڤکانیێن ھەرێمی دیار کرن کو رۆشنا پیران ل سەر رێیا دێرک-گرکێ لەگێ ژ ئالیێ بالافرێن جەنگ یێن دەولەتا ترکیێ هاتیە ئارمانج کرن. چاڤکانیان دیار کرن کو رۆشنا پیران نە تەنێ ئەنداما یەپەژێ یە د ھەمان دەمێ دە ئەنداما مەجلیسا لەشکەری یا یەپەگێ یە.
رێڤەبەریا پەکەکێ یا ل رۆژئاڤا ناسنامەیا کادرۆیێن خوە یێن ژ باکورێ کوردستانێ ڤەدشێرە.
رۆشنا پیران کییە؟
زولفیە بینبیرا د سالا 1975 دە ل ناڤچەیا پیران یا ئامەدێ ژ دایک بووبوو، د تەمەنێ 17 سالیێ دە ئانکو ل سالا 1992 دە ل ئامەدێ تەڤلی ناڤا رەفێن پەکەکێ بوو. رۆشنا پیران یا کو ب سالان ل ھەرێمێن ئامەد، دێرسم و ئەرزرۆمێ چالاکی ل دار خستنە، د سالا 1999 دە چوو ھەرێما قەندیلێ و ل ور تەڤلی چالاکیان بوو. پیران دەمەکێ ئەنداما ھندەک کۆمیتەیێن کەجەکێ بوو.
ژ سالا 2018 و ڤر ڤە ل رۆژئاڤا د ئۆپەراسیۆنێن لەشکەری دە جھ دگرە. چاڤکانی ئەشکەرە دکن کو مالباتا رۆشنا پیران ژی نێزی پەکەکێ نە و ژ بەر ڤێ یەکێ ژی پەکەکێ ب ئاوایەکی نەراستەراست ئاماژە ب جان ژ دەست دانا رۆشنا پیران دایە. ژ بەر کو پەکەکە ب گشتی ناسنامەیا کادرۆیێن خوەیێن ل رۆژئاڤا ژیانا خوە ژ دەست دانە ئەشکەرە ناکە.
