چه‌كدارێن پارتیا كاركه‌ران یێن د حه‌شدا شه‌عبی ده ل شه‌نگالێ، به‌رپرسێ رێخستنه‌كا خێرخوازی یا سویسرێ كو ل شه‌نگالێ دخه‌بتی ئیشكه‌نجه دكن.
چاڤكانیێن پێگه‌ها داركا مازی ئاشكه‌ره كرن، چه‌كدارێن په‌كه‌كێ یێن د حه‌شدا شه‌عبی ده ل شه‌نگالێ، رۆژا 2 ته‌باخا ئیسال 2023ێ ب سه‌ر باره‌گه‌ها رێخستنا ب ناڤێ «ارض الخیر» ده گرتنه و به‌رپرسێ وێ یێ «ته‌ها ئه‌یمه‌ن عه‌بدولهادی» ب ئاوایه‌كی هۆڤانه ئیشكه‌نجه دا نه.
«ارض الخیر» رێخستنه‌كه سویسری یا خێرخوازی یه و ل شه‌نگالێ كارێن خێرخوازیێ دكه، ته‌ها ئه‌یمه‌ن عه‌بدولهادی جوانه‌كێ ب عه‌ره‌به و به‌رپرسیارێ وێ رێخستنێ یه، باره‌گه‌ها وێ دكه‌ڤه تاخا یه‌رمووك د ناڤه‌ندا شه‌نگالێ ده.
چاڤكانیێن داركا مازی ده‌ستنیشان كرن، ل 2/8/2023 چه‌كدارێن په‌كه‌كێ و حه‌شدا شه‌عبی ب چه‌كان چوونه سه‌ر باره‌گه‌ها رێخستنا خێرخوازی و ب تۆهمه‌تا ده‌ستدرێژییا ل سه‌ر كه‌چێن ئێزدی به‌رپرسیارێ وێ ئیشكه‌نجه دا نه.
چاڤكانیێن مه ئاشكه‌ره كرن، پشتی كو ده‌ركه‌ت هۆلێ ئه‌ڤ تۆهمه‌تا په‌كه‌كێ راستییا وێ تونه و ده‌ره‌وه، جاره‌كه دن 4 هه‌یا 5 چه‌كدارێن په‌كه‌كێ چوونه سه‌ر باره‌گه‌ها رێخستنا «ارض الخیر» و ژ به‌رپرسیارێ وێ ره گۆتنه كو ئه‌و گرێدایی داعشێ یه و پشتره ده‌ست و لنگێن وی گرێدانه و برنه باره‌گه‌ها یه‌به‌شێ و ل ور ژی ب ئاوایه‌كی هۆڤانه ئیشكه‌نجه دا نه و پشتره راده‌ستی ئۆفیسا ئیستخباراتا ئیراقێ یا رۆژئاڤا دیجله كرنه.
