گرووپەکا ژ 17 کەسانە، ژ مەھا بووری ڤە دانگوباسێن وان ھاتنە برین، ل سەر رێیا پەناخوەزیێ، وندا نە.
ژ 21 تەباخا بووری ڤە ئەو گرووپا پەناخوازان کو ھلگرێ رەگەزنامەیا سووری نە، 5 ژ وان کوردێن عەفرینا رۆژئاڤایێ کوردستانێ نە، کو ژ تورکیێ دەرکەتبوون، ل یوونانێ ئاسێ مان و تا نھا بێسەرووشوونن و چارەنڤیسا وان نە دیارە.
عەبدۆ عەبدولرەحمان عیسا بابێ محەمەد کو یەک ژ وندابوویانە، تایبات دا زانین کو بەریا کو ئاگر ب دارستانێن یوونانێ بکەڤە، پەیوەندی ب وان رە ھاتیە برین.
ناڤبووری تەکەز کر، کو د ناڤ وێ گرووپێ دە زارۆک ژی ھەنە، ژ کۆما پێنج کەسێن ژ عەفرینێ زارۆکەکی 13 سالی یە.
ناڤێن کوردان ئەڤن:
نیازی خوباری ژ گوندێ بێنێ یێ ناڤچەیا شێراوا
محەمەد عەبدۆ عیسا ژ گوندێ جلبرێ یێ ناڤچەیا شێراوا
محەمەد ئەمین مووسا ژ گوندێ جلبرێ یێ ناڤچەیا شێراوا
عۆسمان قترانۆ و محەمەد سیدۆ ژ گوندێ بێنێ
بابێ محەمەد بانگ ل رێخستنێن مافێ مرۆڤان، و ئالیێن پەیوەندیدار کر کو زانیاریان ل سەر وێ گرووپێ دیار بکن، نەخاسم کو مەترسی ھەنە کو بووبن قوربانیا شەواتا مەزن یا ل دارستانێن یوونانێ، بەری دەمەکێ 18 کەس بوونە قوربانیێن وێ بوویەرێ و تەرمێن وان ھاتن دیتن لێ تا نھا ناسنامەیا وان نە خویا نە.
