رۆژ ده‌رباس نابه هه‌گه‌ر پارتیا كاركه‌ران ناڤێن كۆمێن كه‌چ و جوانێن كوردان یێن كو د شه‌رێ خوه یێ بێ ئه‌نجام ده دده كوشتن، ئاشكه‌ره نه‌كه، هه‌ری داوی ناسنامه‌یا 7 جوانێن كورد ئاشكه‌ره كرنه كو ل رۆژێن ده‌رباسبوویی فه‌دا كرنه.
پارتیا كاركه‌ران ژ 6ی ڤێ مه‌هێ ڤه، ناسنامه‌یا 7 چه‌كدارێن خوه ئاشكه‌ره كرنه كو ل مه‌هێن تیرمه‌هـ، ته‌باخ و ئیلۆنا ئیسال 2023ان ل هه‌رێمێن بۆتان و ئامه‌دێ یێن ل باكورێ كوردستانێ و پێنجوین یا ل باشوورێ وه‌لات، كه‌تنه به‌ر ئێریشێن ده‌وله‌تا ترك و ژیانا خوه ژ ده‌ست دا نه و ژ نوو ڤه مرنا وان هات ئیلان كرن.
پارتیا كاركه‌ران دیسا د په‌سنێ ڤان جوانێن كورد ده دبێژه: «ئه‌و ملیتانێن ئاپۆ بوون، وان ژ بۆی رێبه‌رتیێ خوه فه‌دا كر و لاییقی ئاپۆ ده‌ركه‌تن»!.
خوینا جوانێن كوردان ل جه‌م پارتیا كاركه‌ران ئه‌وقاس بێ واته یه كو د كاره د یێك رۆژ ده ب ده‌هان فه‌دایێ زلامێ ئیمرالیێ بكه، ئه‌ڤ پارتی كو بوویه پارتیا كوردكوژ، زارۆكێن كوردان ل ژێر ناڤێ كوردستانێ و كوردایه‌تیێ دخاپینه و پشتره ژێره دبێژه دڤێ هوون ژ بۆ ئاپۆ بمرن.
