سەرۆک مەسعوود بارزانی ب بۆنەیا دەستپێکرنا شۆرەشا ئیلۆنێ پەیامەک بەلاڤ کر و راگهاند: «شۆرەشا مەزنا ئیلۆنێ ب رێبەریا بارزانیێ نەمر ئەزموونەکە بێهەمپا یا خەبات و تێکۆشینێ بوو».
د پەیاما سەرۆک بارزانی دە هاتیە: «شۆرەشا ئیلۆنێ شۆرەشا هەری مەزنا سیاسی و چەکداری و جڤاکی یا گەلێ کوردستانێ بوو ژ بۆ پاراستنا ناسنامە و بەرەڤانیکرنا مافێن رەوا یێن گەلێ کوردستانێ و بەرقەرارکرنا دەمۆکراسیێ ل ئيراقێ».
سەرۆک بارزانی دیار دکە: «د 62 مین سالڤەگەرا دەستپێکرنا شۆرەشا ئیلۆنێ دە پێزانینێن من ژ بۆ خەبات و وەستانا هەموو شۆرەشگەر و پێشمەرگە و کادرۆیێن شۆرەشا ئیلۆنێ هەیە، کو رۆلا وان هەبوو د شۆرەشا مەزن دە و شانازی ژ بۆ گەلێ خوە تۆمار کرن».
پەیاما سەرۆک بارزانی وهایە:
ب ناڤێ خوەدایێ مەزن و دلۆڤان
شۆرەشا ئیلۆنێ شۆرەشا هەری مەزنا سیاسی و چەکداری و جڤاکی یا گەلێ کوردستانێ بوو ژ بۆ پاراستنا ناسنامە و بەرەڤانیکرنا مافێن رەوایێن گەلێ کوردستانێ و بەرقەرارکرنا دەمۆکراسیێ ل ئيراقێ. شۆرەشا مەزنا ئیلۆنێ ب رێبەریا بارزانیێ نەمر ئەزموونەکە بێهەمپا یا خەبات و تێکۆشینێ بوو کو هەموو ناڤچەیێن جودا جودایێن کوردستانێ و هەموو چینێن جڤاکێ و تەڤایا پێکهاتەیێن ئۆلی و نەتەوییێن کوردستانێ تێ دە بەشدار بوون.
د 62 مین سالڤەگەرا دەستپێکرنا شۆرەشا ئیلۆنێ دە پێزانینێن من ژ بۆ خەبات و وەستانا هەموو شۆرەشگەر و پێشمەرگە و کادرۆیێن شۆرەشا ئیلۆنێ هەیە، کو رۆلا وان هەبوو د شۆرەشا مەزن دە و شانازی ژ بۆ گەلێ خوە تۆمار کرن.
مەسعوود بارزانی
11ێ ئیلۆنا 2023
