دەزگەها ئیستخباراتێ یا ترکیێ (میتێ) ل باژارێ عەفرینێ پزیشکەکێ کورد دەستەسەر کر و ژ بۆ جهەکی نە دیار بر.
چالاکڤانێ عەفرینی مستەفا شێخۆ ژ تۆرا مەدیایی یا رووداوێ رە راگهاند کو دەزگەها ئیستخباراتێ یا ترکیێ (میت) ل باژارێ عەفرینێ یێ رۆژئاڤایێ کوردستانێ پزیشکێ کورد لەزگین سالح دەستەسەر کریە.
چالاکڤانێ عەفرینی مستەفا شێخۆ دا زانین کو رۆژا سێشەمێ، دەزگەها ئیستخباراتێ یا ترکیەیێ (میت) لەزگین سالح ژ مالا وی یا ل عەفرینێ دەستەسەر کریە.
مستەفا شێخۆ دیار کر کو سەدەما دەستەسەرکرنا وی نایێ زانین.
پزیشکێ کورد لەزگین سالح، پسپۆرێ نەخوەشیێن دلە و خەلکێ گوندێ کورزێلێ یێ ناحیەیا شەراوایێ یە.
چەکدارێن گرووپا ئەحرار ئەل-شەرقیە ژی رۆژا 29ێ گولانا 2018ان لەزگین سالح رەڤاندبوون و دەست دانیبوون سەر مال، کلینیک و هەموو ئاموورێن وی یێن پزیشكی.
ئەو پشتی کو فدیە هاتبوو دایین، رۆژا 16ێ هەزیرانا 2018ان هاتبوو بەردان.
